Эске сала кетели, март айында Кыргызстанда, жаңы редакциядагы ЖКЭ жүргүзүлө баштайт. Мурдагы чыгарылышта биз жаңы редакциянын кээ бир оң жана терс жактарын талкуулаган элек. Өкмөт, жаңы редакцияны коомдук талкууга койгондуктан, келгиле дагы кээ бир маанилүү өзгөрүүлөрдү карап чыгалы.
Күңүрттөө.
Азыркы редакциядагы ЖКЭде, айдоочунун орундугунан көрүүсүнө жооптуу болгон маңдайкы жана алдыңкы каптал айнектерин күңүрттөө, жарык өткөрүмдүүлүгү 70% кем эмес болгон шартта уруксат берилген. Эрежелердин жаңы редакциясында унаа каражаттарынын алдыңкы да арткы да айнектерин плёнкалуу каптоолоруна тыюу салынышы мүмкүн. Арткы терезелерде заводдук күңүрттөлөгөн же жарык өткөрүмдүүлүгү 70% кем эмес плёнкалуу айнектерге гана ээ болууга уруксат берилет.
Башкача айтканда, сунушталып жаткан эрежелерге ылайык, бардык айнектердин жарык өткөрүмдүүлүгү 70% кем эмес болуусу керек, заводдук күңүрттөөдөн сырткары. Бул деген, эгерде сиздин автоунааңыздын арткы айнектеринде заводдук күңүрттөөсү болбосо, сиз аларды плёнка менен күңүрттөй албай каласыз.
Учурда бизде көпчүлүк жеңил автоунаалардын арткы жарым айланасы (тарабы) күңүрттөөчү каптоолор менен капталган. Анын жардамы менен автоунаанын сырткы көрүнүшү өзгөчөлөнүп турат, күңүрттөө унаадагы жүрүүнү жайлуу кылат, салонго күн нурларынын тийүүсүн азайтат. Кимдир бирөө арткы айнектери күңүрттөлгөн унаа сатып алган, кимдир бирөө ал үчүн акча короткон же өзү күңүрттөткөн. Бүгүнкү күндө арткы тарапты күңүрттөөгө уруксат берилген, бирок мартта эгерде сунушталган эрежелердин редакциясы кабыл алынса, айдоочулардын жашоосу абдан татаалдашып, калктын кыжырлануусуна да алып келиши мүмкүн.
Ал эми бул маселе боюнча БАЖЫ БИРИМДИГИНИН ТЕХНИКАЛЫК РЕГЛАМЕНТИНДЕ эмне деп айтылган?
Ал жерде алдыңкы тараптагы айнектерге гана чектөөлөр жазылган жана ал айнектер аркылуу айдоочуга алдын көрүү мүмкүндүгү камсыз болуусу жана жарык өткөрүмдүүлүгү 70% кем эмес болуусу шарт. Бул талаптар унаалардын арткы тараптагы айнектерине колдонулбайт. 2014-жылдын 29-майындагы Евразия Экономикалык Биримдик жөнүндөгү Келишимге ылайык Бажы биримдигинин техникалык регламенттери Бажы биримдигинин аймагында түздөн-түз колдонуу укугуна ээ. Ошондуктан биздин коңшу Казакстан, Россия мамлекеттеринде, арткы айнектерди плёнка менен күңүрттөөгө тыюу салынган эмес.
Ал эми автотуризм менен эмне болот? Жайкы курорттук мезгилинде мындай бизге кирүүчү айдоочулар өзгөчө көп. Деги алардын баарын чек арадан тосуп алып эле, арткы айнектеринен плёнкаларын алып таштоосун мажбурлабайтта же болбосо айып салбайтта. Мындай далалат кылуу өлкөнүн беделине жана туризмине зыян келтирип калбайт бекен?
Кышкы шиналар
Жаңы редакцияга ылайык 1-декабрдан тартып 1-мартка чейин автоунаалар кышкы шиналар менен жабдылган болууга тийиш. Кышкы шиналар транспорт каражатынын бардык дөңгөлөктөрүнө орнотулууга тийиш. Шексиз, бул пунктту аткаруу жол кыймылынын коопсуздугуна жардам берет.
Балдарды ташуу шарттары
Жаңы редакцияда, балдарды ташуу шарттары майда-чүйдөсүнө чейин айтылган. 12 жашка чейинки балдарды, баланын салмагы жана боюна шайкеш келе турган атайын бала карматуучу жабдуулар менен гана ташууга болот.
Сунушталган өзгөртүүлөр балдардын таламында экендиги өңдөнөт, бирок булар көгөйгө айланып кетиши мүмкүн. Бизде мектеп автобустары жок, адатта маршруткаларда балдар коопсуз курларын тагынмак турсун, тик туруп кетишет. Көпчүлүк ата-энелер машинага 2ден 3төн коңшу балдарды чогултуп мектепке ала барышат же ала келишет. Кез-кезде жеңил автоунаанын арткы отургучуна бала карматуучу жабдуулаардан үчөөнү бир орното албайсың, ага кошумча бул өтө кымбатка да турат. Ошондой эле такси менен бала ташууда да маселе туулат, а эгерде бир нече бала болсочу?
Атайын кагылыш текшерүүлөрүндө (краш-тесттерде) далилденгендей, автоунаада баланын сактоосун бир гана сапаттуу автокресло камсыздайт, башка каражаттар, бустерлер же башкалар болсо балдардын коопсуздугуна кепилдик боло алышпайт. Сөөк-саактуу баланы (12 жашка чейинки окуучуну) бул башка каражаттарды колдонуп ташууну аткартуу зарылбы, эгерде ал толугу менен арткы орундукта кеңири кур тагына алса.
Россия Федерациясынын автоунааларда балдарды ташуунун жаңы эрежелеринде бала карматуучу жабдууларды колдонуу, милдеттүү түрдө 7 жаштан кичүү балдарга талап коюлат, 7 жашатан тартып 12 жашка чейинки балдарды арткы орундукта автокреслосуз, унаанын камтылган коопсуздук курун колдонуу менен ташууга болот.
Световозвращающие элементы
Эрежелердин сунушталган редакциясында, эми жөө жүргүнчүлөр жолдун өтүүчү бөлүгүнүн четинде сутканын караңгы мезгилинде кыймылдоо учурунда өзүн жарык кайтаруучу элементтер менен белгилөөгө тийиш. Бул деген, эгерде жөө жүргүнчүдө жарык кайтаруучу элементи жок болсо, анын кеспеттерине жалгыз өзү жоопту болот. Бул пункт жөө жүргүнчүнү коюп кеткен учурларда, айдоочуну юридикалык жактан жоопкерчиликтен коргоп калышы мүмкүн.
Стоянка вне населенных пунктах
Дагы бир жаңы пункт, бир нече суроолорду жаратты.
19.1. пункту. (калктуу конуштардан тышкары транспорт каражаттарынын токтоосуна гана уруксат берилет).
19.8. пункту. Токтоп турууга тыюу салынат:
- калктуу конуштардан тышкары транспорт каражаттарынын жолдун жүрүүчү бөлүгүндө жана жол жээгинде;
Ошентип сунушталган редакцияга ылайык, калктуу конуштардан тышкары кыймылдап жатып, сиз жол четинде 5 мүнөттөн ашык токтоп тура албайсыз. Антпесе бул ЖКЭни бузуу болот.
Мисалы сиз Бишкектен Ошко же Ысык-Көлгө кетип жатасыз. Кооз жайдан өтүп жатып, ал жерди сүрөткө түшүрүп алгыңыз келди. Ал үчүн сизде 5 мүнөттөн ашык эмес убактыңыз бар. Сиз бир аз эс алууну же тамактанып алууну каалап жатасыз. Ал үчүн сизде 5 мүнөттөн ашык эмес убактыңыз бар. Эгерде көпкө чейин токтоп турууну кааласаңыз, сиз жолдун жээгинен алысыраак жака кетишиңиз керек. Болобосо сиз ЖКЭни бузган болосуз.
Ошондой эле эрежелердин сунушталган редакциясына ылайык автоунаанын мамномери 40 метр аралыктан жакшы көрүнүп туруусу керек. Колдонулуп жаткан редакцияда 20 метр. Жөн гана салыштырмалуу: Россия Федерациясында 20 метрден көрүнүүсү эле жетиштүү, бул сан жаңы ЖКЭнин негизинде турган МАСТта да жазылган.
Бажы биримдигинин Техникалык регламентинин 4.3.5. пункту талап кылгандай арткы мамлекеттик каттоо белгиси 20 м. кем эмес аралыктан, сутканын караңгы мезгилинде транспорт каражатынын конструкциясы менен караштырылган штаттык чырактар аркылуу жарыктандырылган шартта көрүнүүсү тийиш.
Мына ошентип, 2020 жылы Кыргызстанда жол кыймылынын эрежелери кандай болушун убакыт көрсөтөт.
Joldo.kg сайтында жаңылыктардан кабардар болуп туруңуздар.
Макаланы которгон: Болот Айыков, Азамат Качкеев
Обсуждение
Для того что бы оставлять комментарии, вам неоходимо авторизоваться на нашем сайте...
Войти